Որո՞նք են էլեկտրոմոբիլի հիմնական առավելությունները ներքին այրման շարժիչով մեքենաների նկատմամբ:
Էլեկտրոմոբիլները զգալիորեն ավելի խնայող են շահագործման մեջ, ունեն ավելի քիչ շարժվող մասեր, աշխատում են անաղմուկ և չեն արտանետում վնասակար գազեր։
Ինչպիսի՞ հարկային արտոնություններ են գործում Հայաստանում էլեկտրոմոբիլների համար:
Հայաստանում էլեկտրոմոբիլների ներմուծումն ու իրացումն ազատված են Ավելացված արժեքի հարկից (ԱԱՀ) և մաքսատուրքից մինչև 2026 թվականի դեկտեմբերի 31-ը։
Արդյո՞ք էլեկտրոմոբիլների համար կան կայանման արտոնություններ:
Այո, Երևանում էլեկտրոմոբիլների համար կայանումը քաղաքային վճարովի ավտոկայանատեղիներում («կարմիր գծերում») անվճար է։
Ինչպե՞ս է հաշվարկվում էլեկտրոմոբիլի գույքահարկը Հայաստանում:
Հայաստանում գործում է գույքահարկի նվազեցված համակարգ, որտեղ հաշվարկը կատարվում է ըստ շարժիչի հզորության (կՎտ), ինչը սովորաբար ավելի մատչելի է ստացվում, քան նույն դասի բենզինային մեքենաների դեպքում։
Որքանո՞վ է ձեռնտու էլեկտրոմոբիլ վարելը ֆինանսական տեսանկյունից:
Էլեկտրաէներգիայի ծախսը մոտ 5,5 անգամ ցածր է բենզինի արժեքից, 3 անգամ՝ գազի, հատկապես գիշերային սակագնով մեքենան տանը լիցքավորելու դեպքում։
Ինչու՞ է էլեկտրոմոբիլի տեխսպասարկումն ավելի էժան:
Էլեկտրոմոբիլը չունի բարդ շարժիչային համակարգեր. կարիք չկա փոխել շարժիչի յուղ, ֆիլտրեր, մոմեր, փոխանցման տուփի յուղ կամ փոկեր։
Որքա՞ն է էլեկտրոմոբիլի մարտկոցի կյանքի տևողությունը:
Ժամանակակից մարտկոցները նախատեսված են 10-15 տարվա կամ մինչև 500,000 կմ վազքի համար՝ պահպանելով իրենց արդյունավետության զգալի մասը։
Ինչպե՞ս է ազդում ձմեռը էլեկտրոմոբիլի ընթացքի պաշարի վրա:
Ցածր ջերմաստիճանում ընթացքի պաշարը կարող է նվազել 20-30%-ով՝ հիմնականում սրահի տաքացման վրա ծախսվող էներգիայի պատճառով։
Որտե՞ղ կարելի է լիցքավորել էլեկտրոմոբիլը Հայաստանում:
Լիցքավորումը կարելի է կատարել սովորական տնային վարդակից կամ հանրային արագ լիցքավորման կայաններում, որոնց ցանցը ծածկում է գրեթե ողջ Հայաստանը։
Որտե՞ղ կարելի է լիցքավորել էլեկտրոմոբիլը Հայաստանում:
Լիցքավորումը կարելի է կատարել սովորական տնային վարդակից կամ հանրային արագ լիցքավորման կայաններում, որոնց ցանցը ծածկում է գրեթե ողջ Հայաստանը։
Ի՞նչ է ռեգուպերատիվ արգելակումը:
Դա համակարգ է, որը մեքենայի դանդաղեցման ժամանակ էներգիան վերադարձնում է մարտկոցին՝ միաժամանակ խնայելով արգելակման կոճղակները։
Արդյո՞ք էլեկտրոմոբիլներն իսկապես էկոլոգիապես մաքուր են:
Այո, դրանք չունեն արտանետման համակարգ և վարման ընթացքում CO2 կամ այլ թունավոր նյութեր չեն արտանետում օդի մեջ։
Ի՞նչ է կատարվում մարտկոցների հետ շահագործման ժամկետի ավարտից հետո:
Մարտկոցները ենթակա են վերամշակման կամ կարող են օգտագործվել որպես էներգիայի կուտակիչներ տների և արևային կայանների համար։
Որքա՞ն է էլեկտրոմոբիլների էներգաարդյունավետությունը:
Էլեկտրական շարժիչի օգտակար գործողության գործակիցը (ՕԳԳ) մոտ 90-95% է, մինչդեռ բենզինային շարժիչներինը չի անցնում 35%-ը։
Արդյո՞ք էլեկտրոմոբիլներն ավելի անվտանգ են բախումների ժամանակ:
Այո, քանի որ մարտկոցը հատակին է, մեքենան ավելի կայուն է։ Բացի այդ, առջևում շարժիչի բացակայությունը ստեղծում է լրացուցիչ անվտանգության գոտի։
Ի՞նչ է «ընթացքի պաշարի տագնապը» (range anxiety) և ինչպե՞ս հաղթահարել այն:
Դա մտավախությունն է, որ լիցքը կվերջանա ճանապարհին։ Այն հաղթահարվում է լիցքավորման կայանների ցանցին և մեքենայի հնարավորություններին ծանոթանալու շնորհիվ։
Էլեկտրոմոբիլ, թե՞ հիբրիդ. ո՞րն ընտրել:
Եթե ունեք լիցքավորման հնարավորություն և վարում եք հիմնականում քաղաքում, էլեկտրոմոբիլն ավելի շահավետ է։ Հիբրիդը նախընտրելի է ենթակառուցվածքներից հեռու երկար ճամփորդությունների համար։
Ինչու՞ են էլեկտրոմոբիլներն ավելի արագ թափ հավաքում:
Էլեկտրական շարժիչն ապահովում է առավելագույն քարշող ուժը հենց մեկնարկից՝ առանց սպասելու շարժիչի պտույտների ավելացմանը։
Ինչպե՞ս է ազդում էլեկտրոմոբիլների տարածումը քաղաքային աղմուկի վրա:
Էլեկտրոմոբիլները գրեթե անձայն են, ինչը զգալիորեն նվազեցնում է քաղաքային աղմուկը և բարձրացնում բնակելի տարածքների հարմարավետությունը։
Ինչպիսի՞ն է էլեկտրոմոբիլների վերավաճառքի արժեքը երկրորդային շուկայում:
Բարձր որակի մարտկոցով մեքենաները լավ են պահպանում իրենց շուկայական արժեքը՝ հաշվի առնելով նաև իրենց ֆուտուրիստական դիզայնն ու ինտերիերի գերժամանակակից սարքավորումները։ Բացի այդ, Auto Gallery-ի Buyback ծրագրով 5 տարի Im Motors վարելուց հետո, դուք կարող եք ստանալ նորը՝ վճարելով միայն տարբերությունը։
Ի՞նչ է սպասվում Հայաստանի էլեկտրոմոբիլների շուկայում առաջիկա տարիներին:
Սպասվում է լիցքավորման կայանների ցանցի հետագա ընդլայնում, պետական աջակցության բազմազանություն և նոր մոդելների ներկրում։ Էլեկտրոմոբիլների ներկրումը ամեն տարի շեշտակի աճում է։
Մեքենաների ո՞ր բրենդների պաշտոնական ներկայացուցիչն է Auto Gallery-ն Հայաստանում:
Auto Gallery-ն IM Motors և SAIC Maxus բրենդների բացառիկ պաշտոնական ներկայացուցիչն է Հայաստանի Հանրապետությունում:
Ի՞նչ տեսակի մեքենաներ են ներկայացված Auto Gallery-ի սրահում:
Ի՞նչ բրենդ է IM Motors-ը:
IM Motors-ը պրեմիում դասի էլեկտրական ավտոմեքենաների բրենդ է՝ ստեղծված SAIC Motor-ի, Alibaba-ի և Zhangjiang Hi-Tech-ի համագործակցությամբ։ Այն միավորում է նորարարական տեխնոլոգիաները, խելացի համակարգերն ու շքեղ դիզայնը։
IM Motors-ի ո՞ր մոդելներն են հասանելի Հայաստանում:
Ինչպիսի՞ երաշխիք է տրվում IM Motors մեքենաների համար:
Մենք տրամադրում ենք պաշտոնական գործարանային երաշխիք 6 տարվա ժամկետով՝ առանց վազքի սահմանափակման, որը տարածվում է մեքենայի բոլոր հիմնական հանգույցների վրա:
Ի՞նչ հաճախականությամբ է պետք անցնել տեխնիկական սպասարկում:
IM Motors մեքենաների երաշխիքը պահպանելու և անխափան աշխատանքն ապահովելու համար անհրաժեշտ է մեքենան ներկայացնել սպասարկման կենտրոն յուրաքանչյուր 30,000 կմ-ը մեկ կամ տարին առնվազն մեկ անգամ:
Ի՞նչ բրենդ է SAIC Maxus-ը։
SAIC Maxus-ը միջազգային ավտոմոբիլային բրենդ է, որը պատկանում է SAIC Motor-ին և մասնագիտացած է էլեկտրական կոմերցիոն, ընտանեկան ու բազմաֆունկցիոնալ ավտոմեքենաների արտադրության մեջ։
SAIC Maxus-ի ո՞ր մոդելներն են հասանելի Հայաստանում։
Ներկայացված են eDELIVER 3 և eDELIVER 9 էլեկտրական բեռնատարները, MIFA 7 և MIFA 9 մինիվենները, ինչպես նաև էլեկտրական eTERRON 9 և դիզելային T60 MAX պիկապները։
Ի՞նչ երաշխիք է տրամադրվում Maxus մեքենաների համար։
Maxus-ներն ունեն գործարանային երաշխիք, որը ներառում է մեքենայի հիմնական հանգույցներն ու համակարգերը՝ ըստ սահմանված տարիների կամ վազքի սահմանաչափի, ինչպես նաև էլեկտրական մարտկոցի առանձին երաշխիքային պայմաններ։
Կա՞ն ոչ էլեկտրական շարժիչով մեքենաներ Auto Gallery-ի տեսականու մեջ:
Այո, բացի էլեկտրական մոդելներից, ներկայացված է նաև Maxus T60 MAX պիկապը, որը համալրված է հզոր դիզելային շարժիչով՝ արտաճանապարհային պայմանների համար:
Ի՞նչ են Intelligence оn Board և Intelligence in Motion համակարգերը:
Ինչքա՞ն ժամանակ է պահանջվում մեքենան լիցքավորելու համար:
DC արագ լիցքավորման կայաններում մեքենաների մեծ մասը կարող է լիցքավորվել 20-ից մինչև 80% ընդամենը 30-45 րոպեում: Մարտկոցի կյանքը երկարացնելու և ավելի շահավետ պայմանների համար խորհուրդ է տրվում այն հիմնականում լիցքավորել տնային պայմաններում (AC լիցքավորիչով)՝ օգտվելով էլեկտրաէներգիայի գիշերային սակագնից։
Ի՞նչ առավելություններ է ստանում գնորդը Auto Gallery-ից մեքենա ձեռք բերելիս:
Auto Gallery-ն ապահովում է սպասարկման ամբողջական փաթեթ, որը ներառում է Trade In (հին մեքենայի փոխանակում նորով), Buyback (հետգնման երաշխիք), ձեռքբերման ճկուն պայմաններ՝ ապառիկ և լիզինգ, ինչպես նաև պաշտոնական գործարանային երաշխիք և անվճար թեստ-դրայվ:
Ի՞նչ է Trade In-ը։
Auto Gallery-ն առաջարկում է ձեռք բերել նոր Maxus կամ IM Motors մեքենա՝ ձեր հին ավտոմեքենան օգտագործելով որպես կանխավճար։
Ի՞նչ է Buyback-ը:
Ի՞նչ է թեստ-դրայվը։
Թեստ-դրայվը հնարավորություն է տալիս նստել ղեկին և անվճար փորձարկել ձեր նախընտրած մեքենան։ Թեստ-դրայվի հայտը կարող եք թողնել այստեղ։
Հնարավո՞ր է մեքենան ձեռք բերել ապառիկ կամ լիզինգով:
Այո, մենք համագործակցում ենք Հայաստանի առաջատար բանկերի և լիզինգային ընկերությունների հետ՝ առաջարկելով ֆինանսավորման ճկուն պայմաններ՝ թե՛ անհատների, թե՛ բիզնեսի համար:
Ունե՞ք սեփական սպասարկման կենտրոն և պահեստամասեր:
Այո, Auto Gallery-ն ունի մասնագիտացված սպասարկման կենտրոն և օրիգինալ պահեստամասերի սեփական պահեստ՝ ապահովելով արագ և որակյալ հետվաճառքային սպասարկում:
Որտե՞ղ է գտնվում Auto Gallery-ի ավտոսրահը:
Մեր սրահը գտնվում է Երևանում՝ Դավիթաշեն թաղամասում (Տիգրան Պետրոսյան 25/5), որտեղ կարող եք անձամբ ծանոթանալ ներկայացված բոլոր մոդելներին:
