MIFA 9-ն տպավորում է իր բարձր կապոտով և նեղ լուսարձակներով, ինչն ավելի աչքի ընկնող է դարձնում մեքենան։ Սրահում տեղադրված են Nappa կաշվից նստատեղեր, երկրորդ շարքի առանձին, պտտվող նստատեղեր, կրկնակի դիտանցքեր տանիքում, ինչպես նաև էլեկտրական սահող դռներ ու բեռնախցիկի դուռ, ինչն ապահովում է բարձրակարգ հարմարավետություն։
MIFA 9-ը աչքի է ընկնում ոչ միայն արտաքին տեսքով, այլև՝ բարձր արդյունավետությամբ։ Այն կարող է անցնել մինչև 520 կմ՝ ընդամենը մեկ լիցքավորմամբ։ 90 կՎտժ մարտկոցն ապահովում է մինչև 476 կմ խառը վազքի հեռավորություն՝ ըստ WLTP-ի, և մինչև 568 կմ՝ քաղաքային պայմաններում։ Արագ լիցքավորման հնարավորությունը թույլ է տալիս մարտկոցը լիցքավորել 30%-ից մինչև 80% մոտավորապես 30 րոպեում՝ օգտագործելով հաստատուն հոսանքով լիցքավորիչ։
Անվտանգությունն առաջնային է մեզ համար. MIFA 9-ը ստացել է 5 աստղանի վարկանիշ թե՛ ENCAP, թե՛ ANCAP համակարգերում։ Մեքենան հագեցած է յոթ անվտանգության բարձիկներով, այդ թվում՝ վարորդի կողային անվտանգության բարձիկով, ինչպես նաև ունի խելացի վարորդական աջակցման համակարգեր՝ ուղևորների անվտանգությունը բարձրացնելու նպատակով։
